U paisi ri festi

Bagnara, voli festeggiari tutt’i santi

e siccomu nd’avi threnta o misi,

ne’ poti ‘ccuntentar’ a tutti quanti.

‘Ngnornu nci rissi a Diu:

"Com’haiu a fari?

Mi rici tu a quali hai’ a festeggiari?"

“Aspetta ‘n pocu ca viru u calandariu,

facimu cosi!

Natali, Pasca, San Petru, u Carmunu e u Rosariu

e mbiscamu nda sta taulata,

i ddurici Apostuli, San Nicola, Portu Sarvu,

Annunziata, Santa Barbara e A’mmaculata.

Ora non manca propriu nenti e at’essiri contenti!”

Signuri, graz’a ttia ora nui potimu festeggiari

e cosi a ‘nSantu a vota a Bagnara am’a girari.

Cosi, nui bagnaroti, ndi spartimmu pe rriuni

e ri festi, sulu ’i focu, 'ndi brusciamu milioni!

agosto 2009