A cu nci ‘nteressa ri fatti i
Rosarnu,
se janchi chi niri si stannu scannandu ?
Nenti cangiau e nenti mmai cangia
chist’è a terra ru mangia mangia.
Nta sta Calabria votamu cristiani
chi tutti i jorna si lavaru i mani.
Gira e riggira nui sempri parramu
ma a tutta sta genti u stessu i votamu.
Ora u sapimu nci sù i reggionali
e dopu ‘i sti fatti tornamu a votari.
Voliti viriri ca pe l’interessi
domani matina si presentunu i stessi?
Se a cunvenenza a raggiunamu
oggi pecchì ndi lamentami?
Votamu l’amici a regula è chista
cumparunu sempri i primi la lista.
Na cosa cangiau ill’anni passati
restammu sciecchi ma simu mparati.
Bagnara 11 01 2010