Politucu e Politicanti

Mi leggia tanti libri
cchjù di tutti ‘i poesia,
mi piaciunu in dialettu
su’ di sangu com’a mmia.

Donnu Pantu e Martinu
poetuni protestanti,
scriviru ch’è bbrogghiuni
sunnu i politicanti.

Non nci furu sulu ji
ma nci furu puru atri,
dissuru a politica
è ‘n veru mundu ‘i latri.

Scrivu e dicu puru jeu
aund’è a meravigghia
‘n politucu si vindi
mugghieri e puru a figghia.


Bagnara 17 10 2010