U fattu chi ti succeriu
Santinu Zappalà,
mi dispiaciu assai
chista è a verità.
Jeu non mi mbucciu
Santinu jeu tu ricu,
pe’mmia sì e resti
averu 'n veru amicu.
Nta l’urtimi votazioni
jeu ti votai
non fici com’a tanti
co votu mu ‘mbucciai.
U scrivia nto feisbuccu
cu na poesia,
votamu u Bagnarotu
nta stu casu sulu a ttia.
Na cosa mi dispiaci
e criru non haiu tortu,
furu pochi chi scriviru
pari ‘n paisi mortu.
Jeu no mi sperdu
fusti Sinducu novanni
se facisti bonu
o se facisti danni
Tu mentisti a facci
arretu non ti tirasti,
u sannu tutti quanti
i lavuri chi facisti.
Pe diri certi cosi
e parrai ‘i ‘n amicu,
non mi mbucciu mmai
nta facci jeu u ricu.
Però tu ricu cu tuttu u cori
e Giusti jeu nci criiu,
cu sbaglia nc’è riparu
ca manu randi i Ddiu.
Bagnara 29 dicembre 2010