“Masru fuiti a casa
ca non si viri nenti,
‘sta sira nc’è a partita
e venunu parenti,
cu u senti a me maritu
chi m’avi focu Lippi,
jeu cu sta partita
mi perdu a De Filippi.
Masru mi raccumandu
non mi zzanniati
bbandunati tutti cosi
e a ‘ntinna mi giustati”.
Fuiia mi pigghiu i ferra
ccattai filu e ntinni,
passai ra casa ‘ i Micu
così cu mmia vinni.
Misi a benzina
trovai quattru tasselli
i roti riparai
penzava a cosi belli.
A luci aviva a pagari
u bullu era scadutu
a banca a cambiali
e u cuntu aviva chiurutu.
Ndi misumu ‘ i bona gana
mi ndi finimu tuttu
mangiammu a menziornu
‘n paninu cu prosciuttu.
Cu tardu ndi finimmu
fu na jornata china
ju jornu jeu vi giuru
chi mi rumppia a schina.
“Masru grazi i cori
chisti su pe vvui”
mi rezi nta na busta
pumarora e cipui.
“Poi ndi virimu
mi paga passa Saru”
restai ca ucca aperta
e i me debiti aumentaru.
Bagnara Calabra 01 02 2010